周柏豪正式成為TVB親生仔 年尾橫掃無線頒獎禮大局已定

踏入年尾,見到歌手又係時候問嚇:「對年尾頒獎禮有無信心呀?」其實仲有乜好問呀,每個頒獎禮其實不過係場遊戲,要跟主辦方遊戲規則去玩,特別係TVB勁歌金曲頒獎禮,自家藝人曝光率高D,唱嘅歌播多D,要有新鮮感?得,有個勁多FANS嘅加盟咗,可以肯肯定話俾大家知,今年跑出嘅,100%係周柏豪﹗

周柏豪正式成為TVB親生仔 年尾橫掃無線頒獎禮大局已定

由2013年起,十大金曲一個唔該整多一倍獎座,頒夠20隻金曲,當中又有一堆係電視劇主題曲,包括王菀之嘅《哥歌》(老表你好嘢插曲)、胡鴻鈞嘅《明白了》(師父明白了主題曲),仲有無乜邊個香港人未聽過嘅《越難越愛》&《眼淚的秘密》。咁今年呢?雖然《陪著你走》之前走勢凌厲,喺劇中集集瘋狂播,但都不及柏豪BB獻唱嘅《使徒行者2》主題曲《天網》。事關呢套戲,截至呢一刻嚟計,係仲未開始播架﹗不過歌就已經瘋狂LOOP完再LOOP,柏豪低音演繹配合角色沉重心情,「再沒有我的檔桉」,識唱嘅一齊唱。

周柏豪正式成為TVB親生仔 年尾橫掃無線頒獎禮大局已定

周柏豪正式成為TVB親生仔 年尾橫掃無線頒獎禮大局已定

無論開電視定上網,都瘋狂LOOP呢隻歌,無得避。

周柏豪正式成為TVB親生仔 年尾橫掃無線頒獎禮大局已定

落重本拍音樂微電影,搵嚟張寶兒做女主角。

自柏豪加盟星夢之後,嚴如TVB半邊仔,即刻加盟劇組拍台慶劇《使徒行者2》,宜家仲拍緊另一套巨製《再創世紀》,呢次新歌《天網》TVB更落重本拍攝音樂微電影,足足11分20秒講述《使徒行者2》前傳,舖路介紹柏豪嘅出現,真係錫到出曬面。根據前星夢一哥許廷鏗嘅紀錄,2015年勁歌金曲頒獎禮,20首金曲一人獨佔2.5首(《真相》同胡鴻鈞合唱),柏豪有龐大粉絲團撐腰下,要刷新紀錄應該係毫無難度可言。

周柏豪正式成為TVB親生仔 年尾橫掃無線頒獎禮大局已定

加盟星夢後,以後有更多機會見到柏豪BB啦。

周柏豪正式成為TVB親生仔 年尾橫掃無線頒獎禮大局已定

仲有個開心大發現,柏豪出道十年,連叱吒男歌手金獎都拎過啦,偏偏喺TVB年度十大勁歌金曲頒獎典禮,十年來只拎過半個獎,無錯係半個,2008年同鄭融嘅《一事無成》,拎最受歡迎合唱歌曲金獎,就係咁,無啦。不過都好難怪佢嘅,出道無耐就遇上舊公司華納同TVB爆發版權糾紛,有年幾時間直情唔會喺TVB見到柏豪,更加唔好諗攞獎啦。今年造定件靚衫,等住去橫掃頒獎禮啦柏豪﹗

周柏豪正式成為TVB親生仔 年尾橫掃無線頒獎禮大局已定

You may also like...